Te tumu parau ta ratou i tapea mai  te nehenehe o te rima’i, peretiteni hia e Tetuanuimorere Tauaroa. Rave rahi mau piha faaiteiteraa tei faaiteite atu te huru o te m au tauihaa rima’i, te taupoo, te ete, te tifaifai, te mau ahu pareu, e te mau ohipa nanao hia. E opani teie faaiteiteraa i te mahana maa 30 no eperera. Te vai atoa ra te feia taurumi, te nira ahu, te feia tatau. Rave rahi mau haapiipiiraa i tarena hia mai no te roaraa no na piti hepetoma. No teie hepetoma, teie mahana haapiipiiraa no te hamani te tahiri mai te hora 9 e te afa e tae atu i te hora 11 e te afa. Ananahi haapiipiiraa afata farii taoa faanehenehe, te mahana maha haapiipiiraa tuiraa hei, te mahana pae 22 no eperera haapiipiiraa hamaniraa ahu taoto pareu. No te peretiteni o teie taatiraa o tauaroa rave rahi matahiti oia i roto i te ohipa rima’i. Teie mai to na manao, uiui hia e Tupatiri Jennings.