Rave rahi mau rave ohipa no te fenua i reira, te mau mama no te faarii raa te mau taata e afai atu i ta ratou mau horoa, faataaraa, puohuraa, tuuraa i roto i te mau pute urina aore ra i roto i te mau afaata. No te hoe taime poto  vau i reira, rave rahi mau pereoo, no te ra oire e te ra oire tei afai mai ta ratou tuhaa, to te fare oire no Faa’a, to te mau taiete ohipa tei afai mai ta ratou mau o, ia au i te aniraa o te Hau fenua. Piri atu 400 tane, te pape, te mau tura rarahi e tae roa atu te mau mohina. Te mau ahu, to te tamarii, te feia paari, te mau maa. I roto i te oreroraa o te peretiteni, ua ite hia to na  mauruuru. Teie mai tona manao, uiui hia e Tupatiri Jennings.

Titau manihinihi atu te peretiteni o te Hau fenua i te mau tia atoa no te mau etaretia, no te mea o ratou paatoa tei horoa atoa i ta ratou tuhaa, tei pii i te mau mero no ta ratou etaretia ia tauturu. Na roto atoa i te reira faareirei raa, ua nehenehe te peretiteni e haamauruuru atu ia ratou. O te hoe o tei tae mai o Rinner Frédérick no te Etaretia a Iesu Metia no te feia Moa no te mau mahana hopea nei. Teie mai tona manao tei tapea hia mai.

I teie mahana ia te pahi Tahiti Nui e fano atu ai i te fenua no Tonga i te hora pae i te ahiahi e tapae atu ia ratou i o i te mahana toru i muri nei.