Monire i te 31 no tenuare 2022 - No te maitiraa tei tupu i Arue i nanahi ra, hau atu 55,6 i nia I te hanere o te mau taata maiti tei haere atu e maiti.
Hau atu i te 70,4 % o te feia maiti, tei maiti i te tapura Arue ia Papaoa aratai hia e Teura Iriti. Te rahiraa reo tei maiti ia Iriti Teura, 2 737. Te reo i roaa hia e te tapura a Frédéric Dafniet piihia Léo Marais tei nia i te 804 (20,7%). Te reo o te tapura a Tepuanui Snow tei noa 282 (7,6%) reo. Eita e tapiti te hatuaraa, hoe noa hatuara. Ia faaau hia i te maitiraa 2020 ra, ua api mai te tapura ia Teura hau atu 900 reo e to te tapura a Léo Marais, ua ere hia e ratou 963. Te manao oaoa hoa ia no Teura no teie re rahi i roaa ia ratou. Teie mai tona manao, uiui hia e Tupatiri Jennings.
Na roto i te reira faaotiraa, ua nehenehe i te tapura e aratai hia ra e Iriti Teura e faatupu i ta ratou mau tapura ohipa i roto i te roaraa e ono matahiti, te mau ohipa ru tei haamata hia atu. Teie mai a tona manao tei tapea hia mai.