Mahana toru i te 26 no tenuare 2022 - I te pae no te maitiraa, i nanahi nei, ua faaroo mai tatou te mau manao no roto mai i te tapura e aratai hia ra e Tepuanui Snow e te tapura a Leo Marais, faaroo mai tatou i ta ratou mau tapura ohipa e to ratou mau tereraa no te imiraa te ravea ia maiti te huiraatira no Arue i ta ratou tapura.
I te pae no te tapura a Teura Iriti, te tamau noa atoa ratou i te tomo i roto i te mau aroa. Ua haapuai atoa ratou i te faatupuraa te mau rururaa i roto i te mau aroa. Teie mai tona manao, uiui hia e Tupatiri Jennings.
Te tahi atoa ohipa rahi ta ratou e rave ra i te faareireiraa i te mau feia aita i haere e maiti i te maitiraa no te matahiti 2020 ra. Mea rahi atoa ratou, tei nia i te 4 i nia i te 10. Teie mai a to na manao tei tapea hia mai.