Maitiri raa Iriti ture : te tere nei te Tavini Huiraatira

Monire i te 23 no me 2022 - I te mahana maa ra po, ua tupu atu te rururaa nunaa na te tia no te Tavini Huiraatira, Steve Chailloux e to na mono o Alexandra Opuu no te maitiraa iriti ture no te tuhaa piti i roto i te tapaeraa pereoo o te fare raau Opuhi, i te pae tai mai o te fare toa Marie e vai nei i Paea.

Hau atu 130 taata tei tae mai i te reira rururaa. Turu hia mai te reira rururaa e te tomite oire Tavini Huiraatira e to na peretiteni, tavana atoa no Paea, Anthony Geros. No te mea, aita a te mau rururaa nunaa no te maitiraa iriti ture i matara atura, aita oia e nehenehe i te vauvau mai i ta na tapura ohipa no te maitiraa iriti ture. Te tumu parau no te reira rururaa oia hoi te parau no te tiamaraa o te nunaa Maohi. Ua tatara maitai mai oia i te parau no te tiamaraa, te hohonuraa o te mau tao. Ua tatara atoa oia i te parau no te haruraa hia to tatou fenua e te Hau farani, ua tatara atoa oia i te faufaaraa o te Hau amui. Amui atoa mai te peretiteni o te Tavini Huiraatiraa, Oscar Temaru i te reira rururaa. Teie mai to na manao, uiui hkia e Tupatiri Jennings.

 

© 2023 Radio Te Reo o Tefana. Tous droits réservés. Site réalisé par Websight.