Mahana pae i te 13 no me 2022 - I te fare apooraa rahi, i nanahi poipoi ra, ua titau hia atu te mau mero apooraa rahi no te tuatapaparaa i te mau faufaa tei tuu hia i roto i te mau opuaraa ohipa, o tei ore i tupu i te faaohiparaa no te tahi mau fifi i te pae anei no te mau taiete ohipa aore ra no te tahi atu mau fifi.
No te tuatapaparaa i teie nei mau faufaa no te faaohipa faahou atu i roto i te mau opuaraa ohipa api. Rave rahi mau opuaraa e vai nei i roto i te tiairaa. O te reira te tumu parau faufaa roa no te reira rururaa, te vai atura ra te tahi atu mau tumu parau. I roto i te numeraraa 45 miria teie i ore i faaohipa hia atu e o tei manao hia e faaohipa no te mau opuaraa api. Teie mai te manao o Guillaume Colombani, ohipa nei i te fare apooraa rahi.