Mahana toru i te 04 no me 2022 - I na po nei i roto i te rururaa ta te tavana oire no Paea, Antony Geros e te mau mono tavana e te mau mero apooraa oire i faatupu i Aoua, no te tere haamaurururaa i te nunaa i to ratou tuu raa to ratou tiaturiraa i nia ia ratou no te faatereraa i te oire.
No te tatara atoa mai te mau ohipa tei rave hia e te mau ohipa o te rave hia atu i roto i ta ratou tau faatereraa. Rave rahi mau tapura ohipa , te parau no te pape, te parau no te ohiraa pehu, te parau no te pae no te tuaro, te paturaa te fare rima’i api, te paturaa te fare mai api (dispensarie), te paturaa te menema api, te paturaa te fare tamaaraa api na te tamarii, te paturaa te tapae raa poti api, te hooraa mai te mau pereoo api e te vai atura. Piri atu 80 taata tei amui mai i na po nei. Te piti o te tuhaa no nia ia i te parau no te maitiraa iriti ture no te avae tiunu e haere mai nei. Te parau ra te tahi manao e aha te faufaa raa o na 3 tepute e mana mai e tia atu i te apooraa iriti ture i Farani, no te mea i te fenua tarani hau atu 500 tiahapa tepute i reira. Teie mai te pahonoraa no roto mai i te tavana, uiui hia e Tupatiri Jennings.