jeudi 28 mars 2024
Suivez-nous
Ua faatupu te Tavini Huiraatira i tana vauvauraa manao

Mahana pae i te 27 no me 2022 - I te mahana piti mairi ae nei, ua rave hia te mau titorotororaa i nia i te tavana oire no Faa’a o Oscar Temaru e to na mono tavana matamua o Robert Maker no faaohiparaa te moni o te oire no te aufauraa to na paruru no nia i te haavaraa ratio Te Reo O  Tefana.

Ua rave hia e te apooraa oire i te faaotiraa na roto i te maitiraa o ta na pae rahi ia au i te aniraa o te mono tavana matamua i te matahiti 2019 ra. Oia hoi 11 mirioni 600 tauatini farane. I roto i te hioraa o te mau paruru o Oscar Temaru, te vai nei hoa teie ture no te tautururaa i te tavana, ia ti’a anei te mau tavana e faaohipa i teie ture no te aufauraa i to na paruru. Aita e hape i rave hia i reira. Te parau ra te tavana Oscar Temaru, ua faaohipa hia te reira i te fenua Farani no te aha pai a io nei, eita e tano e faaohipa. Te maere nei oia no tei titorotororaa i te mae hoi, ua rave ae na hia te reira i te mau matahiti mairi atu. I roto i tana atoa hioraa te hinaaro hia nei e faareporepo to na parau. Teie mai to na manao tei tapea hia mai i roto ia TNTV.